Пішам разам!

Нашы школьнікі далучыліся да Рэспубліканскага дыктанта «Дзень народнага адзінства». У акцыі, прысвечанай святкаванню адной з самых важных дат у гісторыі сучаснай Беларусі, прынялі ўдзел вучні нашай школы.

Роўна ў 11:00 разам з тысячамі беларусаў ва ўсіх куточках краіны, нашы хлопчыкі і дзяўчынкі селі за парты, каб напісаць дыктант. У класах панавала асаблівая, урачыстая атмасфера, поўная адказнасці і адчування далучанасці да агульнай справы.

Гэтая акцыя – наш унёсак у захаванне гісторыка-культурнай спадчыны, магчымасць адзначыць не толькі веданне роднай мовы, але і адчуць той самы дух народнага адзінства, які аб’ядноўвае нас усіх. Дыктант стаў не проста праверкай пісьменнасці, але і важным грамадзянскім крокам, сімвалам павагі да мовы, гісторыі і культуры свайго народа.

Мы ганарымся нашымі вучнямі, якія праявілі ініцыятыўнасць і свядомасць, далучыўшыся да гэтага маштабнага мерапрыемства. Іх удзел – гэта доказ таго, што маладое пакаленне памятае, шануе і любіць сваю Радзіму.

Разам мы – адзіны народ! Разам мы – Беларусь!